O
Concello de Friol organiza unha nova edición da Feira do Cabalo, que nos seus inicios xurdiu como feira monográfica para revitalizar as feiras mensuais, e dada a grande afección ao mundo equino por parte dos veciños, mantívose e consolidouse despois de oito anos.
A cita neste 2014 é o domingo 10, e durante a xornada diferentes actividades programadas para tódolos públicos e participantes.
A feira comenza ás 10:00 horas e entregarase unha rifa para o sorteo dun poldro a tódolos que veñan a cabalo ou traigan gando equino.
Para os nenos e a partir das 11:00 horas, haberá unha escola de equitación con cabolos e ponis completamente gratis.
Ás 12:30 horas comenzará o espectáculo ecuestre "Soñando a caballo" a cargo de Tomás Besada
Pola tarde ás 17:00 haberá exibicións de andadura: serrada, chapeada e trotóns, na que tódolos participantes terán un agasallo.
Ás 18:00 horas e pola Hípica Amazonas haberá un carrusel de doma clásica.
A continuación, a demandada Xincana Popular, para xinetes afeccionados locais, percorrido de probas a contra reloxo, onde a participación é sempre moi concorrida, con máis de 600€ en premios.
Despois da entrega de premios e trofeos, rematará a xornada cun sorteo dun poldro.
Dende o Concello de Friol, esperamos se repita o éxito acadado en anteriores edicións, tanto de participantes como de público en xeral; contribuíndo así á dinamización económica, social e cultural da nosa vila.
Programa
