CURSO DE XIMNASIA DE MANTEMENTO

O Concello de Friol sigue coa organización do “CURSO DE XIMNASIA DE MANTEMENTO PARA MULLERES”, despois dos meses de verán.

Esta actividade é moi demandado polas veciñas de Friol, maiores de 18, que poderán participar tódolos luns e mércores a partir das 9 da noite no Polideportivo Municipal, de clases aeróbicas e de mantemento con monitor especializado, durante unha hora, dun xeito totalmente de balde.

As interesadas poderán apuntarse durante o curso, ata completar prazas, sendo o día 10 de novembro a primeira clase de presentación,  deberán acudir con chándal e calzado axeitado e asinar a solicitude de inscrición, onde deberá figurar calquera incidencia ou doenza que limite a práctica de deporte.

As solicitudes poderán entregarse no Concello, en horario de oficina, ou no propio curso.