O vindeiro sábado, 26 de setembro, por segundo ano consecutivo, o Concello de Friol organiza unha andaina, con saída ás once da mañá, dende a Casa do Concello ata a Torre Fortaleza de San Paio de Narla, cun percorrido de case 5 kms. ao que poden apuntarse de balde nas oficinas do Concello de luns a venres de 9:00 a 15:00 horas, ou chamando ao teléfono do Concello 982375001, ata o 24 de setembro.

Dende o Concello agradécese, un ano máis, a colaboración do Colexio Público Dr. López Suárez, pola boa acollida que se traduce nunha grande participación de alumnos e mestres. Son moitos os participantes de tódalas idades que acoden a esta convocatoria, e sobre todo disfrutan deste paseo os mozos e mozas de Friol, xa que non require de grandes esforzos ou preparación física.