CAMPIONATO GALEGO XUVENIL E CADETE DE CROSS CORTO POR CLUBS

FRIOL REPITE CAMPIONATO GALEGO DE CROSS

POR TERCEIRO ANO CONSECUTIVO A CITA DO ATLETISMO GALEGO SERÁ EN FRIOL

Friol será o vindeiro 31 de xaneiro o escenario do “Campionato galego xuvenil e cadete de cross corto por clubs”, ademais celebrarase o Memorial Alejandro Lorenzo de Cross para categorías inferiores.

O evento, organizado polo concello de Friol por terceiro ano consecutivo en colaboración co “Club de Atletismo Friol”, espera recibir a mais de 1.000 atletas de todo Galicia, no que está considerada a cita mais importante da tempada de cross no panorama autonómico.

Empezará a partir das 10.30h da mañá e servirá, ademais de para coñecer ós campións autonómicos das distintas categorías, para formar ás seleccións autonómicas dos distintos grupos de idade que tomarán parte nos campionatos nacionais de campo a través.

Ó igual que o ano pasado, celebrarase no entorno do Club Fluvial de Friol, onde a tempada pasada se proclamaron como gañadores os clubs: New Balance no apartado masculino e o Comesaña Sporting Club no feminino.

O Concello agradece a decisión da Federación de Atletismo de repetir na localidade, decisión motivada en grande parte pola colaboración e coordinación do Club de Atletismo Local, responsabilidade directa de Felipe Barata, que dirixe o club xerando afección entre os veciños e veciñas, á vez que consolida en Friol o atletismo como deporte local. A axuda e soporte económico municipal ó club vese recompensado cos bos resultados nas competicións, pero sobre todo coa práctica do deporte e da implicación dun importante número de alumnos do C.P.I. Dr. López Súarez, sendo na actualidade a súa directora Asunción López, a presidenta do “Club de Atletismo Friol”.

Os organizadores: O Alcalde D. José Ángel Santos, e o Presidente da Federación D. Isidoro Hornillos, acompañados do Delegado de Atletismo en Lugo D. Pablo Gandoy, da Delegada de deportes municipal  Dona María Josefa Janeiro Vizcaíno, e da Presidenta e responsable do club local  presentaron a proba, e agradeceron a participación dos colaboradores, á marca comercial, Coca-Cola e á Xunta de Galicia que participa coa campaña “Galega 100%” para promocionar o consumo do leite galego en apoio ao sector, sector lácteo que é motor clave da economía de Friol.

CARTEL DA PROBA