Bono alugueiro para a mocidade

 
A Xunta de Galicia ven de convocar o bono alugueiro para a xente nova. Os requisitos son os seguintes:
 
.- Ter unha idade inferior a 36 anos.
.- Dispoñer dun mínimo de ingresos económicos, sen superar 3 veces o IPREM, e acreditar unha vida laboral de, polo menos, tres meses.
.- Carecer de vivenda propia e non ter grao de parentesco coa persoa propietaria.
.- O prezo do aluger, no caso de Friol, non pode superar os 400 €uros mensuais.
.- Estar ó día nas obrigas tributarias, tanto estatais como autonómicas, e coa Seguridade Social.
 
O prazo estará aberto desde o 28 de febreiro ata o 28 de marzo.
 
Aquelas persoas interesadas, poderán realizar a súa tramitación a través dos Servizos Sociais do Concello de Friol, onde se lles detallará a documentación a presentar.